స్టార్ మా టీవీలో ప్రసారమవుతున్న సీరియల్ 'బ్రహ్మముడి'. ఈ సీరియల్ సోమవారం నాటి ఎపిసోడ్ -330 లో.. రాజ్ కి కావ్య ఫోన్ చేస్తుంటే లిఫ్ట్ చెయ్యడు. దాంతో సుభాష్ కోపంగా రాజ్ ఎక్కడికి వెళ్ళాడు.. లేదంటే ఈ మీటింగ్ కాన్సల్ అయి ప్రెస్టిజియస్ కాంట్రాక్ట్ క్యాన్సిల్ అవుతుందని సుభాష్ అంటాడు. మీటింగ్ క్యాన్సల్ కాకుండా మనం చూడొచ్చు. ఈ కాంట్రాక్టుకి సంబంధించిన డిజైన్స్ మొత్తం కావ్య మేడమ్ వేశారు.. ఆమెతో మీటింగ్ ఏర్పాటు చెయ్యొచ్చని శృతి అంటుంది.

ఆ తర్వాత ఇంత ఆలస్యంగా చెప్తావేంటని సుభాష్ అంటాడు. కాసేపటికి కావ్యని పిలిచి ఈ మీటింగ్ లో నువ్వే మాట్లాడాలని సుభాష్ చెప్తాడు. దానికి కావ్య ఒప్పుకుంటుంది. ఆ తర్వాత మీటింగ్ లో పురాతనమైన వాటికి సంబంధించిన డిజైన్స్ గురించి చెప్తూ తను గీసిన వాటిని చూపిస్తుంది. చాలా బాగున్నాయంటు వచ్చిన వాళ్ళు మెచ్చుకుంటారు. మరొక వైపు అప్పు తనకి ఉన్నంతలో పోలీస్ అవ్వడానికి కావలిసిన ఏర్పాట్లు చేసుకుంటుంది. రోజు నాకు టైమ్ కి ప్రోటీన్ ఫుడ్ ఇవ్వమని కనకానికి అప్పు చెప్తుంది. ఆ తర్వాత మీటింగ్ అయిపోయాక వచ్చిన వాళ్ళు కావ్యని మెచ్చుకుంటారు. ఈ డిజైనర్ దొరకడం మీ అదృష్టమని వాళ్ళు పొగుడుతుంటే.. దుగ్గిరాల ఇంటి కోడలు అంటే ఏమనుకున్నారని సుభాష్ ప్రౌడ్ గా ఫీల్ అవుతాడు. అప్పుడే శ్వేతతో పాటు రాజ్ ఆఫీస్ కి వస్తాడు. మీ వైఫ్ గారు డిజైన్స్ బాగా చేశారు.. రేపటి వరకు అగ్రిమెంట్ పేపర్స్ రెడీ చెయ్యండంటూ వచ్చిన వాళ్ళు చెప్పి వెళ్తారు. ఆ తర్వాత మీటింగ్ పెట్టుకొని ఎక్కడికి వెళ్ళావ్? కావ్య ఉంది కాబట్టి సరిపోయిందని రాజ్ పై సుభాష్ కోప్పడతాడు. ఈ అమ్మాయి ఎవరని శ్వేతని చూపిస్తు రాజ్ ని ప్రకాశ్ అడుగుతాడు. నా ఫ్రెండ్ అని రాజ్ చెప్పగానే. అయితే మాకు ఎప్పుడు చూపించలేదని సుభాష్ అంటాడు. తను క్లాస్ మేట్ అని కళ్యాణ్ అంటాడు. అవును మళ్ళీ ఈ మధ్యలో కలిసిందని కావ్య అంటుంది. మీ ఫ్రెండ్ ని మీ క్యాబిన్ కీ తీసుకొని వెళ్ళండని కావ్య అంటుంది.

ఆ తర్వాత కావ్యకి మీరిచ్చిన లాకర్ కీస్ తన గది ముందు దొరికాయని అపర్ణకి అనామిక తీసుకొని వచ్చి ఇస్తుంది. ఎలాంటి కోడలు అలాంటి కోడలికి ఇంటికి బాధ్యతలు అప్పజెప్పారంటూ ధాన్యలక్ష్మి ఎగతాళి చేస్తుంటే.. ధాన్యలక్ష్మి, అనామిక, రుద్రాణీలకీ మంచి కౌంటర్ ఇస్తుంది అపర్ణ. మీరు కావ్య ఎప్పుడు తప్పు చేస్తుందా? ఎప్పుడు తనని తిడతానా అని వెయిట్ చేస్తున్నారా? తను పొరపాటున పడేసిందేమోనని అపర్ణ అంటుంది. అదే తప్పు నా కొడలు చేస్తే ఏం చేసేదానివని ధాన్యలక్ష్మి అడుగుతుంది. అసలు నీ కోడలికి లాకర్ కీస్ ఎందుకు ఇస్తాను. ఇంటి బాధ్యతలు పెద్ద కోడలికి మాత్రమే అని అపర్ణ చెప్పి వెళ్ళిపోతుంది. దీన్ని లైట్ గా తీసుకుంది లాకర్ నుండి డబ్బులు తీసాం కదా.. డబ్బులు పోయాయని కావ్యని క్షమించదని అనామికకి రుద్రాణి చెప్తుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.